الخميس، 6 مايو، 2010

بسم الله الرحمن الرحيم

أنا يمكن المرة ديه ولاول مرة بكتب حاجه خاصة بيا ولكن أحب اقول الاول الدرس اللي انا استفدته من الفترة اللي فاتت كلها واللي مرت بسرعة البرق وحصلت فيها أحداث يمكن اليوم فيها بعدة سنين من حياتي اللي فاتت والدرس هو ان دوام الحال من المحال وأنك مهما لقيت في الدنيا ناس بتحبك وبتخاف عليك هتلاقي ان برضه ربنا احن والطف عليك من اي حد مهما كان قرب الشخص ده منك علشان كدا لازم دايما نقوي علاقتنا بربنا حتي ولو بالمناجاة في جوف الليل لازم نخلي بينا وبين ربنا باب مفتوح

اما بقي الحاجه التانية اللي كنت عايزة اتكلم فيها وهي المسئوليه لما تلاقي نفسك مسئول عن نفس تانيه في كل حاجه من تعليم وتريبه وتنشأة واكل وشرب وكل حاجه حتي ادق التفاصيل اكتشفت ان الواحد رغم كل اللي اتعلمه الا انه في اساسيات كان لازم يتعلمها ولكنه قصر فيها علشان كدا بنصح كل البنات آه نهتم بالدراسة والعلم بس لازم نعرف ان احنا في يوم من الايام هنكون امهات وهي ديه الوظيفة الاساسية بل اهم وظايفنا في الحياة فلازم نستعد ليها كويس انا دلوقتي عامله ادور علي برامج توعية الامهات .

الله المستعان

الواحد بجد حاسس بمسئوليه لانك في ايديك امانه وهما دول الاجيال القادمه مش ممكن لو احنا تربيتهم يكون علي ايديهم الفتح ويعملوا اللي احنا ماقدرناش نعمله

أمنية

نفسي يكون في مدارس لتعليم الفتيات ازاي يكونوا امهات صح يربوا صح مش كل حاجه وخدنها بالعافية زي اي حاجه في حياتنا

وفي النهايه انا مش عارفه ان كان حد هيقرأ موضوعي ده ولا لأ بس أتمني ان اللي يقرأ يدعيلي ان ربنا يعني علي تربية ابني تربية صحيحه وانه يكون من الصالحين ان شاء الله ويعني علي المسؤليه ديه وعقبالكم جميعا

والسلام عليكم ورحمه الله وبركاته

ليست هناك تعليقات: