قررت ان أتغير

بسم الله الرحمن الرحيم

السلام عليكم ورحمه الله وبركاته

و من هنا تكون البدايه

قبل ان نتحدث عن التغير لابد وان نعرف ما هي الادوات التي يجب ان نتسلح بها حتي تكون عوننا لنا علي طرق التغير لانه مش سهل المنال وكما قال عليه الصلاة والسلام (حفت الجنه بالمكاره وحفت النار بالشهوات) لذا علينا ان نتمسك بما سوف نتفق عليه من الان وعلينا ان نلتزم به كل منا علي قدر استطاعته وربنا يعنا علي طاعته ده حتي النبي عليه الصلاة والسلام كان بيدعي ويقول يا مصرف القلوب ثبيت قلبي علي طاعتك ونحن نقولها جميعا وندعوا الله ان يثبتنا علي طاعته لان هذه الحياة ليست هي الحياة الباقيه لذا كان علينا جميعا ان نعمل للحياة الباقيه الا وهي الاخرة

وبعد هذه المقدمه نبدأ بالعوامل المعينه علي الثبات

1- الدعاء

فعلينا بالدعاء وليس فقط بل بالتضرع والمناجاه وكلها من اشكال الدعاء ولكن بالدعاء نشعر بقرب اكثر من ربنا عز وجل والحمد لله الذي لم يجعل بيننا وبينه واسطه بل نأتيه في اي وقت فيقبلنا الحمد لله قال تعالي (واذا سألك عبادي عني فاني قربي اجيب دعوة الداعي اذا دعان) فشرط الاجابه هو الدعاء وهو ايضا عباده ونبهنا الرسول عليه الصلاة والسلام الي اهميه الدعاء حيث قال (الدعاء هو العبادة)

سبحان الله اده ايه الانسان مننا في غفله في اسهل من كدا بس ندعي وربنا يستجيب ومش كدا لو لما تكون اجابه دعوتي هذه في الدنيا يدخرها الله لي في الاخرة بجد مفيش عندنا حجه لازم ندعي في كل حاجه وقبل كل حاجه

2- الصحبه

ولا يخفي علينا جميعا اهميه الصحبه والله بجد فعلا الصحاب بتتعلم من بعض وأظن كلنا لمسين ده ولو تأملنا حال النبي عليه الصلاة والسلام في الهجرة كان من الممكن جدا ان يهاجر بمفرده ولكن ليعلمنا جميعا ان الصاحب هو المعين لك وقت الشدة فتمسك به والله عن تجربه شخصيه انا لاصحابي معايا مش علامات ولكن بصمات في طريقي وحتي دايما انا كنت اقول ان الصحاب دول رزق لما تلاقي حد يفهمك وكمان احسن منك يبقي اكيد هتتعلم منه وتبقي انت كمان كويس وانا بفضل الله طول حياتي يرزقني الله باصحاب احسبهم جميعا علي خيرا وكنت بقول لهم انا كنت بفكر نفسي حد كويس ولكن معاكم انا بحس اني ولا حاجه وده طبعا في علاقتهم بربنا وعبادتهم وكنت لما اقولهم حاجه افتكر اني ليا فيها سبق ألقيهم هم سبقني وابقي انا اقل واحده فيهم ربنا يصلح لهم الاحوال جميعا

3-عمل الخير

لازم كل واحد مننا يبقي فيه عمل خاص بينه وبين ربنا عمل يكون خالص لوجهه الكريم والله له حلاوة في القلب وفعلا عمل الخير من الاشياء المعينه علي الثبات وعمل الخير مش تبرع مادي بس لا لازم تتشتغل انت بنفسك روح دور ايتام ساعد ارامل والله المحتاجين في بلدنا كتتتتتتير وهذه قصه مجموعه بنات والله نحسبهم علي خير فكروا في حاجه جديدة وخدوا فيها نوايا جميله لذا قررت ان اذكرها لعلنا جميعنا نتقدي بهم كنا في رمضان وطبعا كل الناس بتعمل خير كتتتتير لكن هم فكروا بطريقه مختلفه قالوا ان السنه ديه المواسم كتيرة والناس اهلكتها المصاريف لذا قرروا ان يساعدوا الطلبه بادوات مدرسيه من كراسات وكشاكيل وكتب خارجيه وشنط هي فكرة بسيطه ولكن اد ايه الفرحه اللي بتكون في عيون الاطفال لما بيدخلوا المدرسه بملابس وادوات وشنط جديدة والله فرحة لا تقدر وكلنا مرينا بيها وكانت نيتهم انهم بيصرفوا علي طالب علم ربنا يتقبل منهم

هذه العوامل من وجهه نظر الكاتب واللي شايف حاجه تاني يقول انا ارحب بالنقاش

ولا ننسي الدعاء لاخواننا المستضعفين في غزة والعراق وفي كل ارض يحارب فيها الاسلام

اللهم اهدنا واهدي بنا واجعلنا سببا لمن اهتدي